Benz notar HERE Maps frá Nokia

Eins og fram kemur í myndbandinu, þá notast Mercedes við HERE Maps til að gera þetta mögulegt.

HERE Maps er einmitt einnig að finna í öllum Nokia snjallsímum, Lumia símunum. Klárlega besti Navigation búnaðurinn í boði.   


mbl.is Benz vill ekki að þú haldir að Google sé eitthvað sérstakt
Tilkynna um óviðeigandi tengingu við frétt

Öryggi í snjallsímum

Snjallsímastuldur fer vaxandi í heiminum, það er staðreynd og oftar en ekki er um að ræða rándýr tæki, sem gera símana meira "aðlaðandi" fyrir þjófa að komast yfir.

 

En það er ekki einvörðungu fjárhagslegt tjón við að missa símann sinn heldur, eins og í þessari frétt, getur þjófurinn hækkað símreikninginn mikið með símtölum sem þessum auk þess að snjallsímar í dag geta skapað gríðarlega gagnanotkun, sem getur einnig kostað sitt og endað sem hár símreikningur réttmæts eiganda símans.

 

Hvernig er hægt að takmarka tjónið og tryggja gögnin sín?

 

Ef þú notar Windows Phone síma, t.d. Lumia síma frá Nokia, þá er þetta í sjálfu sér mjög einfalt því það fyrsta sem eigandi að slíkum síma þarf að gera þegar hann kaupir símann er að setja upp Microsoft reikning (account) fyrir símann. Þetta er nauðsynlegt að gera til að virkja símann að fullu.

 

Ég ætla ekki að fara út í smáatriði eða kennslu á símann sjálfan hérna heldur að benda á hvað það þýðir að hafa Microsoft account í símanum þegar kemur að því að maður týnir símanum eða honum er stolið.

 

Ef símanum er stolið eða hann týnist, þá getur notandinn farið í næstu tölvu, slegið inn slóðina www.windowsphone.com og síðan slegið inn sitt aðgangs- og lykilorð (Microsoft account), hið sama og er í símanum.

 

Svo þarf bara að velja "Find my phone" og þá kemur upp mynd á skjánum sem sýnir á korti hvar síminn er staðsettur. Auk þess eru þrír aðrir valkostir í stöðunni:

 

1. Ring - Þá hringir síminn hávært, jafnvel þó hann sé stilltur á Hljóðlausa stillingu (silent)

2. Lock - Þá læsir síminn sér og ekki hægt að nota hann nema með lykilorði sem þú ákveður

3. Erase - Þá eyðir þú sjálfkrafa öllum gögnum útaf símanum

Find my phone

 

 

 

 

 

 

 

 

 

Lykilatriði hérna er að hér er ekki um app eða forrit að ræða sem þú þarft að hala niður eða kaupa, þetta fylgir frítt (default) með Windows Phone símum og virkjast um leið og þú virkjar Microsoft account í símanum. 

 

Ég hvet alla til að kynna sér þetta ítarlega. 


mbl.is Stal síma og hringdi til Sýrlands
Tilkynna um óviðeigandi tengingu við frétt

Rugl er þetta

Ég átti leið þarna framhjá og horfði á þetta og það var akkurat EKKERT athugavert við aðfarir lögreglumannanna. Þeir þurftu hins vegar að taka á honum stóra sínum vegna mótspyrnu þess handtekna og það var alfarið hans sök ef hann hefur verið sveigður,....svo hryllilegt sem það nú er.

Einn daginn ætlast fólk til þess að lögreglan beiti öllu mögulegu valdi til að stöðva lögbrjóta en hinn daginn eiga þeir svo að höndla þá sem bómull.


mbl.is „Það var hans stóri glæpur“
Tilkynna um óviðeigandi tengingu við frétt

Cryptophone

Það er ekki margt í þessum heimi sem ekki er hægt að rekja og/eða hlera en eitt er það þó amk og það eru sérstakir símar sem kallast Cryptophone. Sem dæmi um notendur á Cryptophone má nefna þýsku lögregluna, ríkisstjórnina og leyniþjónustuna auk hersins en margar leyniþjónustur í Evrópu eru einnig meðal notenda.
http://www.cryptophone.de/

Hafðu samband við Umboðsaðila Cryptophone á Íslandi: https://shop1.cryptophone.de/details


mbl.is „Ekki treysta gervihnattasímum“
Tilkynna um óviðeigandi tengingu við frétt

Aldrei fleiri já......

Þeir sáu nú fleiri bara fyrir örstuttu síðan.....
http://mbl.is/frettir/innlent/2011/12/19/fjorur_thaktar_rotnandi_sild/

mbl.is Sáust 16 hafernir
Tilkynna um óviðeigandi tengingu við frétt

Nokia World 2011

"Smá" villa í texta MBL í þessari frétt sem segir neytendur geti séð þetta á Nokia World 2021 - En það var semsagt í síðustu viku sem þeir sýndu þessa framtíðartækni og var ég á staðnum. Mjög áhugavert svo ekki sé meira sagt.
Hér má sjá myndband þar sem þetta er kynnt. http://www.youtube.com/watch?v=E_j8W1rpHOM

mbl.is Sveigjanlegi snjallsíminn
Tilkynna um óviðeigandi tengingu við frétt

Rollukvikindi

Er ekki kominn tími til að hætt verði að gera ökumenn ábyrga fyrir nautheimskum kindum sem hlaupa óvænt í veg fyrir umferð? Er rollan þess virði?
mbl.is Rækjan tók húsið af bílnum
Tilkynna um óviðeigandi tengingu við frétt

Af hverju apótekum???

Ég er reykingamaður,...því miður. En ég hef nokkuð oft og nokkuð víða tjáð mig um skoðun mína á þessum málum og læt því flakka enn og aftur.

Mér finnst alveg út í hött að færa almenna sölu á tóbaki til Apóteka, get með engu mótiu skilið þá leið. Sú leið sem ég tel að muni klárlega leiða til minnkunnar reykinga í framtíðinni er að færa alla sölu tóbaks í verslanir ÁTVR, Vínbúðirnar. Og að þar verði eingöngu hægt að kaupa karton, ekki einn og einn pakka.
Ég er sannfærður um að þetta hefta aðgengi muni minnka líkur til muna á að ungt fólk hefji reykingar. Það mun líka minnka "sprengingar" hjá þeim sem eru að hætta því þeir geta ekki skotist út í sjoppu að kvöldlagi og hafa því nokkra klukkutíma til að hugsa sig um,.....komi þörfin upp að kvöldi til eins og svo oft vill verða.

Það EINA sem virkar af einhverri alvöru í stríðinu gegn reykingum er að hugsa til framtíðar, ekki koma með skyndilausnir, þær virka ekki á okkur sem reykjum.


mbl.is Tóbak verði bara selt í apótekum
Tilkynna um óviðeigandi tengingu við frétt

Að mæla leiðina með símanum sínum

Ég má til með að minnast á GPS tæknina í farsímum í tengslum við þessa frétt og Hjólað í vinnuna átakið.

Það vita það margir en alls ekki allir að með flestum snjallsímum hafa notendur möguleika á að setja upp með mjög einföldum hætti ókeypis forrit í símana sína. Forrit sem mæla vegalengd, hraða og hæð yfir sjávarmáli auk þess að sýna svo á korti hvaða leið var farin.Bendi ykkur á að skoða meðfylgjandi link til að skoða hvernig þetta lítur út:

http://www.sports-tracker.com/#/workout/steini/a7h76mb9643su2uj 

Svona lagað geta semsagt velflestir sem á annað borð eru með snjallsíma einnig gert til að halda utanum hjólatúrana sína, göngutúra, línuskauta, skokk eða hvaða aðra utanhúss hreyfingu sem er.

Fyrir notendur Nokia snjallsíma bendi ég á SportsTracker sem er að finna í Ovi Store - Þar er einnig að finna sambærilegt forrit sem heitir Endomondo en SportsTracker er þó betra að mörgu leyti.

Fyrir notendur HTC og annara síma sem keyra á Android stýrikerfi bendi ég á Endomondo eða RunKeeper sem er að finna í Market í símanum.

Mæli eindregið með því að notendur snjallsíma prófi þetta og noti. Þetta eru einföld forrit og gera það einfaldlega skemmtilegra að stunda hreyfingu og einfalda utanumhald þess sem maður gerir. 


mbl.is Kortleggja hjólreiðar á vefnum
Tilkynna um óviðeigandi tengingu við frétt

Hættulegir

Í mínum huga eru margir strætóbílstjórar hreinlega hættulegir. Þeir fara öðrum fremur yfir á rauðu ljósi, þeir keyra stundum rosalega hratt og eru mikið í því að "passa uppá" stöðu sína með því að gefa lítið eftir þegar litlir bílar þurfa að komast framfyrir þá og svo á hinn bóginn þá dóla þeir stundum alveg svakalega, líklega til að halda einhverri tímaáætlun. En dól skapar framúraksturhættu.

Það þarf að gera átak þarna


mbl.is Strætisvagnabílstjórar á hraðferð
Tilkynna um óviðeigandi tengingu við frétt

Dagur B

Auðvitað er hann ekki búinn að svara. Það segir sig sjálft að þar sem yfirtrúðurinn er í flugi, að þá nær Dagur ekki heldur í hann til að spyrja hvort hann megi svara og hverju hann eigi þá að svara.
mbl.is „Við þökkum þeim fyrir þeirra framlag“
Tilkynna um óviðeigandi tengingu við frétt

Lítil skrif um einhverja stærstu frétt tengda farsímabransanum um áraraðir

Já, mér finnst nú mbl gera þessari stórfrétt lítil skil í þessari frétt sinni svo ég sé ástæðu til að bæta í.
Bendi á Tækniblogg Hátækni http://www.hataekni.is/is/hataekni_i_25_ar/taeknibloggid/

Hátækni er umboðsaðili Nokia á Íslandi.


mbl.is Tekist á við iPhone og Android
Tilkynna um óviðeigandi tengingu við frétt

Tjahhh,.......

Fyrst þegar ég las þessa frétt hélt að þetta væri hitt framlag Steingríms í gær til ferðamála á Íslandi, sem hann vill ólmur hefta sem mest hann má, með auka skattlagningu á þessar hræður sem þó kom hingað til að skoða landið.

Hélt þetta væri svona hans aðferð til að sýna landið,...því hvort eð er myndi helmingur þeirra sem vilja koma, hætta við vegna þeirra álaga sem hann vill leggja á ferðaiðnaðinn. Mér skilst að um það bil 400.000+ erlendir ferðamenn sæki Ísland heim árlega.

En svo þegar ég las áfram þá sá ég að þarna var auðvitað á ferðinni fólk sem þvert á fjármálaráðherra, vill efla ferðamannaiðnaðinn. Frábær hugmynd, ekki síst í ljósi góðs árangurs Inspired by Iceland.

Tækifærin eru til að grípa þau og tækifærin í ferðamannaiðnaði á Íslandi eru gríðarleg.


mbl.is Vilja vefmyndavélar á Íslandi
Tilkynna um óviðeigandi tengingu við frétt

Næsta síða »

Um bloggið

Steini

Höfundur

Steini Thorst
Steini Thorst
Lifir í heimi farsíma

Tónlistarspilari

Das Kapital - Bubbi - Launaþrællinn
Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Nýjustu myndir

  • Find my phone

Heimsóknir

Flettingar

  • Í dag (19.3.): 0
  • Sl. sólarhring:
  • Sl. viku: 8
  • Frá upphafi: 0

Annað

  • Innlit í dag: 0
  • Innlit sl. viku: 5
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband