Rafmagnstæki og bleyta

Svona virkar nú blessuð tæknin, eða öllu rafmagnstækin. Þau geta þolað vatn og frost og allan fjárann, svo lengi sem enginn straumur er á tækinu á meðan vatnið kemst í snertingu við þá hluta þess sem straumur fer um.

Vinur minn einn hefur þrisvar sinnum óvart sett Nokia N78 farsímann sinn í þvottavél og alltaf virkaði hann eftir það, svona tandurhreinn og fínn. En á endanum reyndar gaf hann sig enda getur skaðinn af vatninu stundum tekið tíma að koma fram.
Annar félagi minn lenti með sinn Nokia E71 síma á kafi ofaní á og ennþá virkar hann, ári síðar. Heppni og ekkert annað :-)

Meginreglan þegar farsímar eða önnur rafmagnstæki blotna, er að taka rafhlöðuna úr og láta liggja á heitum ofni í 24 klst eða svo. Aldrei að vita nema allt virki,.....þó líkurnar séu manni reyndar mjög svo í óhag.

Fann iPod sem lá úti í tvö ár

Athugasemdir

[Sædís (IP-tala skráð) 8.7.2010 kl. 17:34]

rétt er það. En það eru aaaaltof margir sem feila á því að BYRJA að kveikja á tækinu sem getur rústað því endanlega.

[Sigurður Haraldsson, 8.7.2010 kl. 20:17]

Já ekki kveika á tækinu eftir að það kemst í snertingu við vatn! Tíndi einu sinni Nokia NMT farsíma rándýrum úti um miðjan vetur fannst um vorið með brotin skjá prófaði að setja hann á ofn og viti menn hann virkaði að mestu leiti hringdi reyndar í farsímann minn alltaf þegar var kveikt á honum eftir að það hafði verið slökkt

[Sigurður Haraldsson, 8.7.2010 kl. 20:19]

"kveikja"

[admin (IP-tala skráð) 8.7.2010 kl. 20:51]

prófið að geyma hlutinn í íláti umlokin hrísgrjónum. þau draga rakan í sig.

[Linda (IP-tala skráð) 9.7.2010 kl. 00:09]

ja vinkona min missti eimitt myndavélina sína oní á í þórsmörk, setti hana bara á ofnin inní skála svo á sunnudeiginum þá ætlaði hún bara svona testa hvort hun myndi kveikja á sér(var ekkert sérlega vongóð) og viti menn hún er bara eins og ný ! :D

[Árni Árnason (IP-tala skráð) 9.7.2010 kl. 00:24]

Ég mæli sérstaklega með einu til viðbótar. Ef raftækið lendir í einhverju öðru en tæru íslensku lindarvatni ( hveravatni, hitaveituvatni, sápuvatni, gruggugu jökulvatni, eða sjó svo dæmi séu tekin er gott að skola tækið vandlega úr hreinu vatni (ekki verra ef til væri eimað ) áður en það þornar og þurrka svo, gefið þurrkuninni góðan tíma og setjið rafhlöðuna ekki í fyrr en allur raki er farinn úr tækinu.

Með þessu er talsverð von um eitthvert framhaldslíf.