Undanþágur

Æi ég vona nú að þessi læti verði ekki til þess að reykingar verði með öllu bannaðar í Leifsstöð. Ég er og var alltaf hlynntur reykingabanni á skemmtistöðum og veitingastöðum. En mér finnst nú svolítið annað með Leifsstöð því eftir að maður er kominn þangað inn, þá fer maður ekkert út aftur fyrr en í annað land er komið, nokkrum klukkustundum síðar. Og mér finnst það bara vera svolítið annað. Sumir segja líklega,...þér er nær að reykja. En halló, smá mannlegan þátt í þetta.

Hins vegar að það skuli vera reykherbergi í Alþingishúsinu finnst mér nú bara vera hneyksli og það af alvarlegri gerðinni því það eru fjöldamörg ár síðan lög voru sett á reykingar í húsakynnum hins opinbera. Að þau lög séu ennþá í dag brotin á hinu háa Alþingi, þar sem lögin eru sett er eiginlega bara alveg fáránlegt og sýnir nú reyndar bara hve eiginhagsmunasemi þingmanna er mikil. Setja lög á lýðinn en brjóta þau svo í æðsta embættishúsi þjóðarinnar. Eigum við að ræða það eitthvað eða.....??

Leyfa reykingar í mótmælaskyni

Athugasemdir

[Linda Lea Bogadóttir, 5.2.2008 kl. 12:57]

Sammála... finnst að flugstöðvar eigi að vera "frí" svæði og þar eigi ekki að banna reykingar.