Og ekki stoppa þarna

Rosalega líst mér vel á þetta.

Reyndar er ég í þessu eins og svo mörgu, vill ganga lengra. Hef lengi talað um þá skoðun mína að loka eigi fyrir bílaumferð á Laugarvegi (frá Bankastræti að Snorrabraut) fyrir fullt og allt, amk yfir sumartímann. Það myndi klárlega auka umferð gangandi fólks á svæðinu og auka þar með viðskipti á svæðinu sem ekki er vanþörf á. Ég er sannfærður um það. 

En þetta þarf sjálfsagt að gera í smá skrefum og fyrsta skrefið væri finnst mér að nú í sumar yrði gerð tilraun í þessa átt með því að loka fyrir umferð bíla um Laugarveg, Pósthússtræti og Austurstræti frá kl 10 á föstudagsmorgni til mánudagsmorguns.

Svo eiga bara veitingastaðirnir við Laugarveginn og allt þetta svæði að fylla göturnar fyrir framan staðina af borðum og stólum þegar þannig viðrar og reyna að ná fram þessari stemningu sem við öll kunnum svo vel við í erlendum borgum.

Lok lok og læs í Pósthússtræti

Athugasemdir

[Sigurbjörn Arnar Jónsson (IP-tala skráð) 15.5.2008 kl. 20:41]

Já þetta er hugmynd sem er alveg athugandi. Núna er Laugarvegurinn í þannig ástandi að það mætti nánast prufa allt saman, það getur ekki gert hann verri. Hef einmitt spáð í þetta með Hafnargötuna í Keflavik þar sem ég bý hvort að það mætti breyta hluta af henni í göngugötu. Vandamálið því tengdu er reyndar að það er rosalega gömul og inngróin rúnthefð upp og niður Hafnargötuna og þetta yrði umdeilt en staðreyndin er að Hafnargötunni fer að vissu leiti hnignandi sem verslunargötu því að fókusinn núna er á Fitjarnar í Innri Njarðvík og líka í nýju hverfunum í Innri Njarðvík og hellurnar hafa látið mikið á sjá núna í vetur og Hafnargatan hefur misst aðeins sjarmann.