Réttlætanlegt? Nei en.........

Þetta er auðvitað svo gjörsamlega út í hött, að gera þetta. Að láta sér detta það í hug er hins vegar kannski ekkert óeðlilegt þegar það er skoðað. En að gera þetta er á engan hátt réttlætanlegt þar sem hættan sem af þessu skapast er alveg gríðarlega mikil.

En þá kemur að hinu, að láta sér detta þetta í hug. Menn eru ekki að kaupa sér racer hjól til að sigla þeim alltaf á löglegum hraða, það sama á við um öfluga sportbíla og aðra kraftmikla ogt hraðskreiða bíla. Eigendur þessara tækja munu án undantekninga prófa að fara vel yfir hámarkshraða. Ég er hins vegar ekkert að reyna að réttlæta það, bara að henda fram staðreynd. Hvers vegna að eyða milljónum króna í 300-500 hestafla bíl ef ekki á að amk prófa tækið?

Það sem vantar eru brautir fyrir áhugamenn um mótórhjól og hraðskreiða bíla. Það vantar sárlega. Kvartmílubrautin gerir mjög lítið til að uppfylla spyrnuþörfina og gerir ekkert til að uppfylla hraðaþörfina, hún er of stutt til þess. Af hverju í ósköpunum taka ekki öll tryggingafélögin sig saman ásamt ríki, bílaumboðum og einhverjum fleirum hagsmunaaðilum sig saman um að gera kappakstursbrautir, svæði þar sem hægt er að þenja þessi tæki á sama tíma og hættan á slysum og dauðsföllum er miklu miklu miklu minni? Af hverju er þetta ekki löngu komið?

Bílslys vegna ofsaaksturs og afleiðingar þeirra kosta þjóðfélagið gríðarlegar fjárhæðir svo ekki sé talað um hvað það kostar marga sem í þeim lenda og aðstandendur þeirra. Ég er ekki verkfræðingur og veit ekki hversu mikið svona braut eða brautir myndu kosta,.....en ég er ansi hreint viss um að slíkt myndi samt borga sig upp á styttri tíma en t.d. Hvalfjarðargöngin. Og þá er ég að tala um gjaldfrjálsa notkun.

Þetta hlítur að vera hagsmunamál fyrir tryggingafélögin. Þetta er að sjálfsögðu mikið hagsmunamál fyrir ríkið og þjóðfélagið. En bílaumboðin eiga fullt erindi í að koma að þessu líka og sjálfsagt enn fleiri,....t.d. olíufélögin.

Ég er alls ekki að segja að hraðakstur hverfi með öllu af götum landins með þessu móti en það er alveg á kristaltæru að það mun minnka til muna. Hópar sem koma saman á hinum og þessum stöðum um borgina til að spyrna eða hreinlega keppa í hraðakstri hafa engan annan stað til þess og lögin ein koma ekki í veg fyrir að áhugamaður um hraðakstur stundi hann. En þessi áhugamaður vill örugglega sjálfur miklu frekar gera þetta á stað þar sem ekki er hætta á 50-100.000 króna sekt, missis ökuleyfis eða hætta á að slasa fólk sem átti sér einskis ills von og bjóst alls ekki við að kappakstur væri í gangi.

Ég veit að þessi umræða er ekki ný af nálinni,....en common, er þetta ekki löngu orðið tímabært? 

Á 245 km hraða

Athugasemdir

[Dal (IP-tala skráð) 31.7.2008 kl. 16:29]

Jú. Löngu tímabært.

[Heiða, 31.7.2008 kl. 16:30]

Heyr heyr

[rikhard Johannson (IP-tala skráð) 31.7.2008 kl. 16:53]

Heyr Heyr,

Endilega Byggja Aðra Höll Fyrir GrasMótora og þá Ríðandi fugla á sínum okur vegum.  

[Gústi (IP-tala skráð) 31.7.2008 kl. 16:54]

Samála.

 ég er á um 300hp bíl, og þegar maður er að þenja þetta, já.. þá er maður að gera það sem maður hefur áhuga á.. en svo þegar maður er búinn að vera að gera það. þá verður maður þreyttur og tekur upp rólegri akstur.

 Ef maður gæti bara farið á svona braut til að æfa sig, þá er ég viss um að það myndi minka svona hlutir í samfélaginu!

[Motor Bikes 4Win (IP-tala skráð) 31.7.2008 kl. 21:35]

"Tökum kappaksturinn af götunum og inná lokuð örugg svæði."

Ég er búinn að vera að velta fyrir mér hversvegna það er ekki kominn lokuð braut það sem þeir sem áhuga hafa á að stunda hraðakstur / kappakstur geta ekki fengið útrás fyrir þessa frábæru tilfynningu að keyra eins hratt og maður þorir..

Ég geri mér alveg grein fyrir því að það kostar einhvern pening að gera hraðakstursbraut og sennilega verður ríkissjóður af einhverjum tekjum ef menn fara að stunda þessa iðju á lokuðum svæðum.

En lítum aðeins betur á þetta dæmi... ef maður lendir í óhappi á miklum hraða á götum eða þjóðvegum á mótorhjóli eða aflmiklum bíl held ég að flestir endi sem örkumla eða dauðir eftir þannig, Hvað er verið að borga marga miljarða á ári til að annast þá sem hafa verið svo óheppnir að lenda í alvarlegum umferðarslysum en ekki hafa hlotið dauða af ?

Hvað eru td. margir sem verða öryrkjar á hverju ári vegna "glæfra aksturs ?" með tilheyrandi kostnaði fyrir samborgara sína

Hversu mörgum ökumönnum þarf að fórna til að hin spilltu yfirvöld geri eitthvað í þessu aðstöðuleysi ?

Smá grín í lokin.:

Ég ætla að mótmæla aðstöðuleysi þessu með því að fara allaveganna tvisvar yfir 200+kmph í Reykjavík áður en vika er liðin og skora á alla að gera slíkt hið sama !!!

SKÍTT MEÐ KERFIÐ !!!