Helgin sem leið - Danskir dagar í Stykkishólmi

Mikið rosalega átti ég góða helgi í Stykkishólmi um helgina en ég skellti mér með Helenu minni þangað á föstudaginn. Mættum rétt áður en útigrillin hófust og svo tók bara við hamslaus gleði annars vegar í heimahúsi og síðar á Fimm fiskum sem er annar tveggja pöbba á staðnum. Ég hitti ógrynni að fólki sem ég þekkti síðan ég bjó á staðnum fyrir 20 árum síðan.

Daginn eftir beið morgunverðarhlaðborð eftir okkur og svo var stefnan tekin beint í félagsmiðstöðina þar sem leikur Íslands og Danmerkur var sýndur á bíótjaldi. Þvílík stemning, þvílík gleði,.....og þá ekki síst Lenu, Gunna og Helga að þakka þar sem þau sungu stef úr dönskum Eurovison lögum í kjölfarið á hverju íslensku marki :) Svo var bara rölt um bæinn og að sjálfsögðu tekið sjósund líka. Um kvöldið safnaðist svo allt liðið heima hjá Jónu og Bæring í þvílíka veislu áður en farið var á Bryggjuballið. Kvöldið og nóttin tóm hamingja og gleði :)

Helgin var bara frábær í alla staði og fréttaflutningur stórlega ýktur um að þarna hafi allt logað í slgsmálum og fyllerýi. Það var einhver hópur aðkomuunglinga þarna með einhver læti en ég veit þó ekki um neinn sem varð vitni af því.

Athugasemdir

[Eygló Brá Schram (IP-tala skráð) 19.8.2008 kl. 17:19]

Hæ takk fyrir helgina hún var æði:D...ég er búin að setja eitthvað af myndum inn á fjölskyldu heima síðuna í myndaalbúm skoðaðu:D

sjáumst öruglega á eftir:D