Vangaveltur um kosningar og fylgi

Samfylkingin með mesta fylgið? Ég skil vel að Sjálfst.flokkurinn hafi hrunið í fylgi, það segir sig sjálft. En mínar vangaveltur snúast um það hvers vegna það sama á ekki við um Samfylkinguna. Er ekki Samf. í þessari stjórn líka, og þar að auki með bankamálaráðherra? Hvað hefur Samfylkingin gert í þessari stjórn?, hvað í alvöru?

Guð hjálpi okkur svo ef Vinstri Grænir komast til valda. Ekki vildu þeir álverin, sem þó eru kannski eitt af því dýrmætasta sem við eigum nú óskipt eftir. Eitt af því.

Ég er hins vegar ekki að segja að Sjálfstæðisflokkurinn sé ljósið í myrkrinu núna, langt í frá. En ég velti því fyrir mér hvort yfir höfuð sé eitthvað einasta vit í því að efna til kosninga núna því ég held að þetta kaós ástand sem ríkir myndi ekki leiða af sér neitt gott í kosningum. Við erum öll reið, við erum hrædd, við erum algjörlega ráðvillt og við vitum ekki hvað morgundagurinn ber í skauti sér. Er það góður tími til að taka stórar ákvarðanir? Þó ný stjórn tæki við á morgun væri ennþá sama vandamál í gangi.

En formann Sjálfstæðisflokksins skil ég samt alls ekki núna. Er það af einskærri þrjósku sem hann heldur áfram að segja að það sé ekkert í spilunum sem bendi til að rétt sé að svo mikið sem huga að því að setja formann Seðlabankastjórnar af? Er það kannski af hlíðni og/eða óttablandinni virðingu við hann? Það er greinilega krafa þjóðarinnar að Davíð fari frá, leikur lítill vafi á því. Það er sömuleiðis krafa samstarfsflokks Sjálfst.flokksins í Ríkisstjórn og allra annara flokka á Alþingi. Þessi krafa er útum allt en alltaf sama svarið. Eða er þetta bara vegna þess að Geir vill ekki láta segja sér fyrir verkum?

Mér finnst þetta beinlínis heimska hjá honum að sprengja ekki á þessu kýli sem Davíð virðist vera, réttilega eða ranglega. Geir er ekki að gera flokknum sínum vel með því að bregðast ekki við, hann er því alls ekki að gera Ríkisstjórn sinni vel heldur og eykur daglega á þá hættu að þessi stjórn springi,.....á tíma sem bara má alls ekki. Geir, stundum þarf maður að vera vondur til að vera góður og nú er stundin til þess.

það má svo seinna velta fyrir sér hvort einhver þarf að segja af sér vegna alls þessa máls. Það væri hins vegar saga til næsta bæjar ef íslenskur stjórnmálamaður segði af sér. En kosningar á þessum tíma er að mínu áliti ekki rétt af ofangreindum ástæðum. En Geir H Haarde myndi klárlega minnka þrýstinginn frá þjóðinni um kosningar með því einu að setja Davíð af. Mér finnst stundum eins og það vanti alla strategíu í stjórnmálamenn.

Varðandi Davíð þá ætla ég að gera orð innheimtufyrirtækisins Intrum (sem væntalega á eftir að stórgræða á ástandinu) að mínum þegar ég beini því til Forsætisráðherra (ef hann þá les bloggið mitt hehe ) að EKKI GERA EKKI NEITT !!!!!

 

Samfylking með langmest fylgi

Jæja, þá byrjar ballið

Í dag byrjaði veiðitímabilið fyrir rjúpuna og það er ekki að spyrja að því, strax þarf að sækja skyttu með aðstoð björgunarsveit og þyrlu. Þetta ætti að minna menn á hversu mikilvægur stuðningurinn við hjálparsveitirnar er, þó oft sé áminningin harðari, hér fór allt vel.

Svo ættu allar skyttur sömuleiðis að taka með sér GPS tæki á veiðar, eða síma með GPS tæki innbyggðu. Þeir eru orðnir ansi margir slíkir á markaðinum. Þetta bæði tryggir það að menn rati til baka þó skelli á þá þoka en tryggir það líka að menn geta gefið upp staðsetningu ef upp koma vandamál, menn týnast eða slasast.

Þyrla sótti rjúpnaskyttuna

Bíddu nú við, hvort er það?

Einn daginn segja menn að stýrivaxtahækkunin hefði verið skilyrði Gjaldeyrissjóðsins og næsta dag segja menn að þetta sé ákvörðun Seðlabankans.

Ef þetta var ákvörðun Seðlabanka þá spyr ég nú bara, ætlar Seðlabankinn og þá Ríkisstjórnin ekki að gera NEITT til að slá á ástandið gagnvart heimilum og fyrirtækjum? Hver eru eiginleg rök fyrir því að hafa stýrivexti svona háa?

Hefði þurft að breyta lögum

Þjóðin hafnaði því og Forseti vor líka

Ekki veit ég, frekar en líklega nokkur annar, hvort það hefði einhverju breytt, en hefði hugsanlega fjölmiðlafrumvarpið sem reynt var að koma á, tryggt nú að þessi stóri fjölmiðill væri ekki í þeirri hættu sem hann ku vera í? Ég veit það ekki en ég neita því ekki að ég velti því fyrir mér.

Og reyndar hef ég velt því fyrir mér undanfarið hvort sú staðreynd, að þjóðin og svo Forseti Íslands, höfnuðu þessu frumvarpi svo rækilega sem raunin varð, að möguleikar á að hefta eignasöfnun auðmanna hefðu endanlega verið hent út af borðinu? Var lokað á slík höft með því að hafna þessu frumvarpi? Hefði ekki sama fólkið og sami Forseti hafnað öllum slíkum hugmyndum í framhaldinu líka?

Er það ekki eitthvað sem bara verður að gerast, að setja einhver höft á að fáir menn geti hreinlega eignast allt sem þeir vilja?

Ég vona svo heitt og innilega að bæði 365 Miðlar og Skjárinn lifi þetta af. Það skiptir ekki litlu máli. Það skiptir ótrúlega miklu máli fyrir fólkið í landinu, fjölskyldurnar og auðvitað fyrirtækin líka. Því á þeim erfiðum tímum sem framundan eru, þá er sú afþreying sem fjölskyldur njóta á skjánum heima í stofu mikilvæg.

Yfir 20 manns sagt upp hjá 365 og laun lækkuð

Hvað á maður að segja ?

Hvaða hálfv..... datt í hug að kjósa þennan mann á þing?

Taka upp færeysku krónuna? Er maðurinn endalega að missa vitið?

Árni Johnsen vill færeyska krónu

Jón Baldvin

Ég var eitthvað að mæra hann hérna á blogginu um daginn. Ástæðan, jú að mér hefur alltaf fundist hann mjög magnaður stjórnmálamaður sem hefur náð vel til mín.

En fyrir mér jarðaði hann þessa skoðun mína í dag með því að taka þátt í mótmælum þar sem múgurinn öskraði bara DAVÍÐ BURT, DAVÍÐ BURT!!! Algjörlega burtséð frá Davíð og mismunandi skoðunum manna og kvenna á honum, þá held ég að Jón Baldvin ætti að vita að það er nú varla við Davíð einan að sakast. Hélt í alvöru að Jón væri málefnalegri en þetta.

Þögn ráðamanna mótmælt

Smart hjá Gunnari

Enn og aftur segi ég, Það er gott að búa í Kópavogi!

En skyldi t.d. borgarstjórn Reykjavíkur gera þetta líka og lækka laun amk þeirra sem eru með yfir 700.000 á mánuði sem munu jú vera ansi margir og já, kannski líka að endurskoða málin með skoska nemann sem er með tæplega hálfa milljón í laun á mánuði, verandi í námi erlendis og hefur mætt á 3 fundi,...skrópaði á einn. Og borgin að sjálfsögðu greiddi fyrir flugið fram og til baka í öll skipti. Ætli borgarstjórn endurskoði þetta eitthvað eða ætlar borgin að halda áfram þessu bruðli ??

Stjórnendur lækka launin

Hvernig verður tekið á þessu?

Gæsluvarðhald í viku og svo bara út aftur að djamm, djúsa og berja fleiri löggur?

Eða verður tekið á þessu eins og á að taka á því,....ákæra þá og sekta um stórar upphæðir. Senda þá svo úr landi með eilífðarbann á landvistarleyfi á Íslandi?

Ég óttast því miður að það verði fyrri kosturinn.

Tveir handteknir í dag

Bara má til :)

Einn ljúfur

Og annar.......sem klárlega veldur streytu

Verði ykkur að góðu.....hahahahahaha

Allt er nú kannað :)

Ekki ætla ég að þræta fyrir þessa merku rannsókn enda er Nokia hringitónninn án nokkurs efa mest spilaða og frægasta stef eða lag allra tíma og það er nú nokkuð þekkt að slíkt valdi streytu eða jafnvel pirringi. Ég t.d. verð pirraður þegar ég heyri sama lagið glymja í útvarpinu 10 eða 20 sinnum á dag. 

Magnað samt að 20% kaupenda skuli samt notast við þennan, að því er rannsóknin segir, streytuvaldandi hringitón því Nokia seldi t.d. á síðasta ári um 100.000.000 farsíma, hundrað milljón, sem þýðir að BARA í fyrra ákváðu 20 milljón manns að nota þennan hringitón. Magnað !

Reyndar gaman að spá í svona tölur sem fólk er ekki að hugsa út í svona almennt séð. Veit fólk t.d. að Nokia er stærsti myndavélaframleiðandi heims? Það sama á við um MP3 spilara. Og bráðum, ef ekki orðið nú þegar, þá er Nokia einnig stærsti söluaðilinn á GPS staðsetningartækjum. Magnað !!!

Hringitónn Nokia veldur streitu

Meistari Jón Baldvin

Í mörg ár, já mörg ár hef ég sagt að mín skoðun sé sú að Jón Baldvin Hannibalsson sé einn merkasti pólitíkus okkar tíma. Ég stend harður á því. Reyndar hef ég ekki hingað til aðhyllst stefnu Samfylkingarinnar EN.........ef JBH gæti nú bara andskotands í pólitík aftur, og þá líklega Samfylkinguna, þá þarf ég ekki að hugsa um það í eina mínútu, ég myndi kjósa hana. Ég sagði alltaf að Jón Baldvin og Davíð Oddson væru öflugustu pólitíkusarnir okkar. Eini munurinn er sá að JBH er alltaf jafn góður eða betri á meðan Davíð versnar og versnar.

Viðtalið við Jón Baldvin í Silfri Egils var mjög gott eins og alltaf. Þetta viðtal var ekkert að opna augun mín varðandi hann, en styrkti hins vegar mikið þá skoðun mína sem ég hef haft á kallinum um árabil.

Jón Baldvin Hannibalsson í pólitíkina aftur takk !!!!

Davíð úr Sjálfstæðisflokknum, sem hann virðist ennþá stjórna.

Jón Baldvin: Seðlabankastjóri þvælist fyrir á strandstaðnum

Austur-Evrópa? Þarf að spyrja?

Enn eina ferðina eru það útlendingar sem sýna af sér hegðun sem verður bara að segjast að íslenskir glæpamenn hafa ekki so far sýnt. Ég held að ég sé alls ekkert að sjá þetta öðruvísi en það í rauninni er, pólskir og litháeskir glæpamenn sem hingað hafa hópast eru að ganga miklu lengra.

Það er vegna þessara manna sem það er að verða nauðsynlegt fyrir lögregluna að vopnast við almenn löggæslustörf, NB Almenn lögæslustörf eins og í tilfelli þessarar fréttar. Það sagði það einhver um fréttir af þessari árás að árás á lögregluna er árás á þjóðfélagið. Rosalega er ég sammála því.

Það verður að veita lögreglunni meira svigrúm og frelsi til að vinna sína vinnu. Neikvæð umfjöllun síðustu ára, t.d. Gas dæmið og 10-11 dæmið svo bara örlítið sé kallað fram, hafa gert það að verkum að lögreglan bara varla má lyfta litla fingri í starfi sínu gegn fólki sem þarf að taka úr umferð tímabundið,...eða bara hafa afskipti af. Lögreglan verður að fá það svigrúm að dómgreind þeirra sé ekki dregin í efa við minnsta frávik. Ég hef ekki nokkrar áhyggjur af því sem sumir tala um að þetta verði lögregluríki ef þeir fá meiri völd,....halló, íslenskir lögreglumenn eru ekkert að leika sér að því að hafa afskipti af eða handtaka menn að ástæðulausu. Þetta vita nú allir þó sumir kjósi að sjá eitthvað allt annað.  

Það er alltof mikil vanvirðing á Íslandi gagnvart lögreglunni og því þarf að breyta. Ástæðan er sú að það er almennt vitað að ef svo mikið sem nögl brotnar á manni/konu sem verið er að hafa afskipti af, þá gæti viðkomandi lögreglumaður átt á hættu að verða vikið úr starfi. Fáránlegt.

Grafalvarlegt mál

Andsk.....bretar

Það er nú farið að fara allískyggilega í mann þessar árásir breta á Ísland. Það er eins og við höfum beinlínis gert árás á landið þeirra. Ég skil alveg reiði manna yfir töpuðum peningum og allt það,....en fyrr má nú rota en dauðrota.

Er reyndar sáttur við að okkar ráðamenn séu farnir að herða aðeins orðavalið gegn þessum árásum þeirra en ég held að það verði bara að ganga aðeins lengra núna. Það er eins og Bretland og breskir fjölmiðlar séu með það mission í gangi að leggja allt sitt í að eyðileggja orðspor Íslands.

Afþökkun breska flughersins væri klárlega fyrsta skrefið. Og svo má einnig gera eitthvað mun róttækara.

Segja Ísland hafi orðið fyrir auðmýkingu

Æææææ, þvílík óheppni

En heppnir samt að þetta skyldi hafa gerst á svona afskekktum stað svo enginn slaðaðist.

 

Tveir bílar brunnu eftir árekstur

Lúxus

Það rignir yfir þessa frétt fúkyrðum ýmsum og árásum. Ég ætla að taka annan pól í hæðina og kannski finnst einhverjum ég flakka um í skoðunum mínum á efnahagsástandinu. En ég viðurkenni það líka alveg :)

Peningarnir sem fóru í þetta, hótelið, þotuna, snekkjuna, voru til alveg eins og við áttum öll meiri pening fyrir nokkrum vikum og nokkrum mánuðum en við eigum núna, leyfðum okkur öll miklu meira en við leyfum okkur núna. Í sumum tilfellum voru það bara peningar af nafninu til, verðbréf, hlutabréf og þess háttar og í sumum tilfellum beinharðir peningar.

101 Hótel, þotan og snekkjan er geggjað dæmi og ég ætla mér ekki í eina sekúndu að halda því fram að ég myndi ekki vilja taka gott frí með öllu þessu including. Það er svona lúxusgen í ansi mörgum okkar, gen sem reyndar bara fáir fá að næra. En það er þarna í ansi hreint mörgum okkar. Getur fólk virkilega neitað því? Ég las það einhversstaðar að þetta með hótelið, þotuna og snekkjuna væri business dæmi hjá þeim hjónum, semsagt ekki eingöngu ætlað til einkanota. Ætluðu semsagt að selja lúxusferðir í þetta. Af hverju ekki? Ekki vantar markaðinn fyrir það þó svo að íslenskur markaður fyrir þetta hafi hrunið.

Atlanta átti einu sinni lúxux Júmbóþotu. Ekki var ælt yfir því. Samt var Atlanta alveg pottþétt fjármagnað á sama hátt og önnur íslensk milljarðafyrirtæki og mörg erlend líka.

Ég sagði það um daginn og segi enn, ég ætla eftir bestu getu að benda ekki á einhvern einn eða einhverja fáa sem sökudólga á því ástandi sem nú varir. Það kemur bara í ljós síðar. Og gleymum því ekki algjörlega og með öllu að Ingibjörg og hennar maður hafa nú alveg látið ýmislegt af hendi rakna til þjóðfélagsins umfram það sem þeim var skylt.

Nú verð ég líklega hengdur á blogginu,...hehe. So what!

Ingibjörg hannaði lystisnekkjuna 101