Alveg ótrúlegt þetta iPhone KJAFTÆÐI

29.9.2007 | 22:02

Alveg ótrúlegt þetta iPhone KJAFTÆÐI

Ekki að mig langi nokkuð í þessa græju né aðra tónlistarspilara frá Apple. En hvað er eiginlega málið?????

Hvað segði fólk ef það væri skyldað til að versla allt bensín af t.d. Skeljungi ef það keypti sér Volvo??? Þetta er nákvæmlega þannig sem þetta er sett fram. Þeir senda út hugbúnað sem eyðileggur tækið ef þeir sem það kaupa hlýða ekki þeirra skipun um hvaða farsímafyrirtæki á að nota. Þetta hlítur að vera ólöglegt. Ef ekki, þá er það amk siðlaust með öllu.

Síminn, Vodafone og fullt af öðrum farsímafyrirtækjum hafa læst símum á sitt kerfi. Það er hins vegar gert tímabundið og að auki er það vegna þess að þessi sömu fyrirtæki eru að niðurgreiða símana. Það á hins vegar ekki við um Apple eða samstarfsaðila þeirra því Apple gerir samning við þessi fyrirtæki sem meina þeim um að niðurgreiða tækin.

Málið er bara með öllu óskiljanlegt, siðlaust og önnur eins markaðsstýring hefur varla sést áður.

Skamm Apple

	Hugbúnaðaruppfærsla frá Apple gerir aflæsta iPhone síma óvirka
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Windows deilurnar með Explorerinn lýtur út fyrir að vera bara smá strákar í bófaleik miðað við þetta.

Fannar frá Rifi, 29.9.2007 kl. 22:57

Síminn og Vodafone hafa aldrei læst símum tímabundið? Annaðhvort er síminn læstur eða ekki!

Óskiljanlegt hjá Apple? Þeir hafa selt RUGL mikið af þessu, og fólk í USA sér ekkert að því að skipta yfir í AT&T, enda er þetta allt sami skíturinn hérna úti.

Fyrirtækið ræður 100% hverjum þeir selja símann og þeir eru ekki að NEYÐA neinn í neitt! Er verið að NEYÐA þig til þess að kaupa símann?

Maggi (IP-tala skráð) 30.9.2007 kl. 00:12

Maggi (og Þorsteinn): Síminn og Vodafone læstu símunum ekki tímabundið. Heldur var tímabundið boðið upp á þá "þjónustu" að fá símann á lægra verði ef hann var læstur á símkerfi viðkomandi söluaðila.
Eftir því sem ég best veit þá er þessi þjónusta ekki lengur til staðar.

Hinsvegar var ekkert mál að annarsvegar fá símann ólæstan (gegn hærra verði), eða að láta aflæsa læstum símum (gegn þóknun.)

Apple verður hinsvegar seint þekkt fyrir annað en siðlausa markaðsstýringu, sbr þetta og itunes.

Natti (IP-tala skráð) 30.9.2007 kl. 01:36

Og það er ekkert mál að aflæsa símanum :)

Sævar Einarsson, 30.9.2007 kl. 10:35

Maggi, Nei, það er enginn að neyða mig til að kaupa iPhone, aðeins verið að neyða mig til að eiga viðskipti við 3. aðila ef ég myndi nú kaupa tækið. En varðandi læsingar Vodafone og Símans, sem by the way tíðkast ekki lengur, þá voru þær læsingar með þeim hætti að eftir ákveðinn samningstíma, þá gastu fengið símunum aflæst.

Steini Thorst, 30.9.2007 kl. 11:58

Þetta er nú einu sinni eðli kapítalismans/markaðarins. þ.e.a.s að útrýma samkeppninni til að geta hækkað eigin framlegð.

Vandinn hér er miklu stærri en Apple sem slíkt. Þeir eru að uppskera. Vandinn er að mestu leyti löggjöf um einkaleyfi. Vandinn er löggjöfin um verndun einkaleyfa, hún er alltof víðtæk.

Það sem er hér gerist er að Apple hefur fengið einkaleyfi á nánast öllu sem í þessu tæki er og getur því gert hvað sem er án þess að þurfa að

óttast hvað samkeppnisaðila.

Á sama hátt hafa tug- ef ekki hundruðir milljóna manna dáið vegna þess að ekki fæst leyfi til að framleiða ódýr lyf sem einhver forrík fyrirtæki hafa fengið einkaleyfi til að framleiða vegna þess að þau eru vernduð með einkaleyfum. Það mun halda áfram að vera þannig þangað til að þessum lögum verður breytt.

Natti það er rétt hjá þér að slíminn og Vodafck h verið að læsa símum og það er að því leyti annars eðlis að þar er verið að binda fólk í viðskipti við símafyrirtækið með því að niðurgreiða nauða ómerkilega síma örlítið og fá það svo margfalt til baka þegar símreikningarnir fara að streyma. Ekkert annað en púra samkeppnishömlur, ekki spurning um nein einkaleyfi þar.

iTunes er hinsvegar allt annars eðlis og ekki veit ég hvaða siðleysi er þar á ferð. þar er verið að reyna selja tónlist í sátt við rétthafa og útgefendur og ekki gleyma að það voru útgefendur sem fóru að tónlistinni væri læst.

Sævar Finnbogason, 30.9.2007 kl. 12:05