Svona smá update um börnin

Í dag, 20. júní á hún Ísabella mín 10 ára afmæli. Til hamingju elsku dúllan mín

Það verður sjálfsagt mikið um dýrðir hjá henni á morgun þegar afmælisveislan sjálf verður en mamma hennar er nú ekki beint þekkt fyrir að vera neitt að farast úr hógværð og hugmyndaleysi þegar góða veislu gjöra skal :)

Af Allý minni er svo það að frétta að hún er bara mjög sátt við þá breytingu sem átti sér stað í apríl þegar hún flutti alfarið til mín. Það fer vel um okkur og samkomulagið bara fínt þó svo að ég þurfi nú aðeins að temja hana og forrita :) Hún er byrjuð að vinna í sjoppu rétt hjá okkur sem er bara hið besta mál. Fínt að geta hringt í hana á laugardagskvöldi rétt áður en hún hættir að vinna og láta hana koma með ís fyrir kallinn :)

Reyndar var Allý að eignast lítinn frænda um daginn en Rósa Björk systir hennar eignaðist sitt fyrsta barn í byrjun júní.

Nú svo er það prinsinn, Óðinn Örn. Hann tók það stóra skref í vikunni að pissa í fyrsta skipti í kopp . Hann var hjá mömmu sinni þegar það gerðist og stoltur og ánægður hringdi hann í pabba gamla og sagði mér frá. Og hann var sko að springa úr stolti..........og ég líka :)))

Ég þyrfti nú að fara að vinna í því að fá nýrri mynd,....þau hafa nú vaxið og þroskast svolítið síðan þessi var tekin.

Athugasemdir

[steini kani (IP-tala skráð) 20.6.2008 kl. 18:13]

heyrðu, án alls gríns þá dreymdi mig Óðinn í nótt, og hann var að banka á klósetthurðina þína, biðjandi þig um að hleypa sér á klósettið.....magnað ;)