Meira bullið

12.2.2009 | 18:09

Þetta er svona eins og ásaka fjármálastjóra bókabúðarinnar á Eskifirði um fjármálahrunið á Íslandi.

Ísland er bara pínulítill dropi í fjármálahafi hins vestræna heims, jafnvel þótt það væri margfaldað með 10.

Og svo bara þetta,.......mér er farið að finnast svo ljótt allt í kringum þessi mótmæli og ofbeldi gagnvart Davíð. Hvað í alvörunni gerði Davíð sem kallar á svona ofsóknir og einelti. Það er margsýnt að Davíð varaði hvað mest við þessu. Davíð er sá þingmaður og ráðherra sem reyndi að koma í veg fyrir hringamyndun eigna. Hann lagði fram Fjölmiðlafrumvarpið og allir höfnuðu því og á endanum Forsetinn sjálfur sem hefur nú ekki verið lítið áberandi í útrásinni og öllu sem henni fylgdi. En hann er stikkfrí og Ingibjörg Sólrún er stikkfrí vegna þess að þau eru vinstrisinnuð.

Heldur virkilega einhver að eitthvað lagist þegar Davíð fer frá? Heldur virkilega einhver að hlutirnir hefðu ekki farið svona ef hann hefði ekki setið í Seðlabankanum? Þessar árásir eru orðnar ljótar og eru ekkert annað en ofbeldi og einelti.

Ég veit ekkert hvort ég dáist að Davíð fyrir að sitja undir þessu,.....en ég er hræddur um að ég og margur annar væri búinn að hrökklast úr starfi eftir slíkar ofsóknir.

Kannski á Davíð að fara og kannski ekki, ég bara veit það ekki og efast um að meirihluti mótmælenda viti það. En ég er á móti þessum ljótu aðferðum. Ég er orange !!!

	Davíð Oddsson á vafasömum lista
Ábyrgðarmaður færslu Tilkynna um óviðeigandi tengingu við frétt

Flokkur: Bloggar | Facebook

Athugasemdir

Það segir nú sitt þegar mannfýlan er kominn á lista yfir þá sem fólk telur eiga hvað mesta sök á krísunni á íslandi.
Þú heldur kanski að þetta sé allt saman eitt stórt samsæri vinstri manna?

Jack Daniel's, 12.2.2009 kl. 18:48

Nei, ég held það ekki. En ég held að þetta séu nornaveiðar og það í ljótari kantinum.

Steini Thorst, 12.2.2009 kl. 18:52

Af hverju ætti risa fjölmiðillinn Time að vera í eitthverjum nornaveiðum gagnvart Davíð Oddssyni?

Elias (IP-tala skráð) 12.2.2009 kl. 19:51

Ég er 100% sammála þér Steini. Ísland hefur verið mjög áberandi í fjölmiðlum útaf því hve hátt fallið var fyrir okkur miðað við höfðatölu, því er ekki skrítið að fólk nefni Davíð þarna á listanum þar sem hann er búinn að vera kóngurinn okkar síðan stjórnmál voru fundin upp og auk þess hafa mestu árásir mótmælenda verið gegn Davíð.

Ástæðan fyrir því að mótmælin hafa beinst svona harkalega gegn Davíð held ég að sé hins vegar út af því að aðal óvinur Davíðs og sá sem Davíð reyndi alla tíð að stoppa, á alla fjölmiðlanna.

Axel (IP-tala skráð) 12.2.2009 kl. 19:51

Ekki var Mogginn mjög gagnrýninn á Davíð undir Styrmi, sé ekki að hann hafi verið óvinur Davíðs.

Elías (IP-tala skráð) 12.2.2009 kl. 19:55

Hvað sem fjölmiðlum líður, þá á þetta sér bara ekki stoð.

Elias: Er það bara nóg að Time segi þetta, er þetta þá rétt? Ég held í alvöru talað að bæði ég og þú vitum meira um Davíð og hans gjörðir en einhver blaðamaður á Time.

Er virkilega einhver að trúa því að fjármálahrunið sé Davíð að kenna? Ég veit að Jón Ásgeir trúir því enda er sú klisja hans orðin, já að klisju. Það er fullt af fólki búið að TELJA SÉR TRÚ UM ÞAÐ. En staðreyndin er allt önnur. Á Davíð og hans gjörðir þátt í falla bankanna? Já hugsanlega,....ég veit það ekki. En það eiga rosalega margir þátt í því, bæði einstaklingar og stofnanir. Hins vegar held ég að stærsta ástæðan sé hrun fjármálakerfis heimsins og sú staðreynd að fjármálakerfi Íslands var orðið of stórt og réði ekki við að fjárstreymið stoppaði. Er það Davíð að kenna? Nei, það er það ekki að mínu mati. Ég myndi ekki meika að fjárstreymi til mín stöðvaðist, myndir þú ráða við það?

Ég tek það mjög skýrt fram að ég er ekki að lofsyngja Davíð Oddsson, hann má gagnrýna fyrir margt og ég virði fullkomlega mismunandi skoðanir fólks á honum. En kreppan er ekki vegna þess að Davíð situr í Seðlabankanum. Það er alveg klárt mál. Og mér geðjast alls ekki þessar ofsóknir sem byggðar eru á tilbúnum skoðunum fólks sem hefur persónulega á móti Davíð. Þetta á ekki að snúast um skoðanir heldur staðreyndir.

Steini Thorst, 12.2.2009 kl. 20:28

Það er enginn að segja að Davíð beri alla sök á kreppunni, EN.. hans hlutur er veigamikil: hann hefur skapað og staðið fyrir peningamálastefnu sem leyfði þessu að gerast. Hann hefði t.d. átt að hækka bindiskyldu bankanna árið 2006 þegar "minikreppan" kom, en í staðinn var hún lækkuð svo útlánabullið gæti haldið áfram og krónunni áfram haldið alltof sterkri. (Þá voru náttúrulega kosningar í nánd og mikilvægt að Íslendingar hefðu það gott áfram svo að Flokkurinn gæti stært sig af því - bein afleiðing þess að hafa pólitískt skipaðan seðlabankastjóra).

Þó svo að allar hans aðgerðir hefðu verið æðislega frábærar (eins og furðumargir virðast halda!), þá ætti hann SAMT að víkja til að skapa frið um störf seðlabankans og stjórnvalda og endurvekja örlítið traust á Íslensku fjármálakerfi.

Einsi (IP-tala skráð) 12.2.2009 kl. 20:43

Alveg sammála þér! Það er ljótt að vera vondur við aumingja!

Auðun Gíslason, 13.2.2009 kl. 00:01

Satt best að segja þá held ég ekki að þessi blaðamaður sé bara að taka hluti út úr rassgatinu á sér, svo var engin að segja að kreppan sé bara Davíð að kenna, en hann skapaði það kerfi sem brást hérna. sjálfstæðismenn stærðu sig af því að öll velmegnun síðari ára hafi verið þeim að þakka og þá hlítur vesældin núna að vera þeim að kenna.

Elías (IP-tala skráð) 13.2.2009 kl. 03:57

Ég held hann hafi ekki tekið það úr eigin rassgati heldur einhverju öðru. En jú, ef ekki hefði verið farin sú leið sem meðal annars Sjálfstæðisflokkurinn efndi til, þá auðvitað hefði þetta ekki gerst hér,.....eða öllu heldur ólíklegra. Þá værum við ekki að fara svo og svo mörg ár aftur í tímann, við værum bara ennþá þar. Mér hugnast sá kostur ekki frekar. Hitt er annað mál að það var Jón Baldvin sem "kom okkur í" EES og þar var krafa um að bankarnir yrðu einkavæddir. Hvernig það var svo gert má alltaf gagnrýna. Það má alltaf gagnrýna öll stjórnvöld og allar þeirra gjörðir, eðli málsins samkvæmt.

Ekki gleyma því samt alveg að Davíð svo sannarlega reyndi að koma á lögum um hringamyndun. Þjóðin hataði hann fyrir það, fannst hann beita Baugsveldið ofsóknum og á endanum felldi Forseti Íslands það. Þessi lög eða öllu heldur frumvarp til laga hét Fjölmiðlafrumvarpið og var fyrsta frumvarpið sem átti að taka á málum sem slíkum. Auðkýfingar sem selja hver öðrum og sjálfum sér hægri vinstri og alltaf hækkar verðið er að mínu mati ein af stærstu ástæðum þess að Ísland fór svona illa út úr þessu. Siðleysi og græðgi þeirra.

Steini Thorst, 13.2.2009 kl. 08:51

Ekki hef ég heyrt af þerri kröfu er sænski bankinn Nordea ekki enn í ríkiseign? Þú býrð í Svíðþjóð, gætir kannski varpað smá ljósi á það.

Elías (IP-tala skráð) 13.2.2009 kl. 12:29

Ég bý ekki í Svíþjóð :)

Steini Thorst, 13.2.2009 kl. 12:41