Tímataka

Ætti maður semsagt að fara að mæla tímann á þessu og komast að hvoru megin við meðallagið maður er? Tjahh, veit reyndar að þessar 7,2 mínútur duga ekki svo ég bíst við að ég sé yfir meðallagi. En er gott að vera yfir meðallagi í tíma eða er það jafnvel bara verra? Fer það eftir partnerinum eða fer það kannski bara miklu frekar eftir andrúmsloftinu á hverjum tíma? Jú, ætli það ekki.

En fokk,.....1 mínúta eins og nefnt er þarna. Djöfull mega sumir vera fljótir að þessu. Að vísu sagði mér það ein kona fyrir fáum árum síðan að hún hefði einmitt eitt sinn verið að deita 1 mínútu mann. Yndislegur maður og allt það,........eeeeeeen ekki alveg að gera sig sagði hún.

Úthald ekki lykillinn að góðu kynlífi

Hátækni gefur farsíma

Í kjölfarið á þessari skelfilegu frétt var haldinn fundur í dag í Hátækni, umboðsaðila Nokia á Íslandi og ákváðum við þar að taka ekki lengur þátt í þessu fjöldamorði sem á sér stað í þjóðfélaginu. Ákveðið hefur verið að leggja fyrirtækið niður og gefa allan lager sem til er af Nokia farsímum.

"Við ætlum að setja það í hendur fólksins sjálfs hvort það drepur sig á símanum eða ekki" var haft eftir framkvæmdastjóranum þegar hann var inntur eftir svari hvers vegna þessum morðtólum sé ekki bara eytt. "Byssur heimsin hefur ekki verið eytt er það?" spurði framkvæmdastjórinn.

Farsímar hættulegri en reykingar

Frábært - Algjörlega en......

....hvernig fer stöðumælavörður að því að vita að búið er að greiða fyrir stæðið ef hann sér það ekki í glugga bílsins eða á stöðumælinum sjálfum? Þarf hann kannski að hringja til leggja.is og kanna hvern og einn bíl? Og ef svo er, hvernig er þá samt hægt að staðfesta að búið sé að greiða fyrir lagningu í akkurat þetta stæði en ekki eitthvað annað stæði 10 mínútum áður?

Pælingar

Hægt að greiða í stöðumælinn með GSM símanum

Amma Gull

Í fyrradag ákvað hún amma mín að kveðja. Hún var að verða 91 árs gömul og sem betur fer fékk hún að fara án þess að berjast við mikil veikindi.

Það eru margar góðar minningar sem tengjast Ömmu Gull eins og hún var kölluð af okkur systkynum. Það er svolítið skrítið til þess að hugsa að hún sé farin því amma hefur alltaf verið til.

Ein af mínum stærstu æskuminningum um hana og mig var að þegar ég dvaldi hjá henni á Víðimelnum sem var nú oft, svona í minningunni amk, þá rölti ég alltaf um kl 11 á morgnana til hennar í vinnuna til að borða með henni hádegismat, skyr og rúgbrauð oftast, en hún var að vinna hjá Póst & síma í Landsímahúsinu við Austurvöll. Mötuneytið var í gamla Sigtúni sem nú heitir Nasa. Og einhvern veginn, þá minnist ég alltaf þessara heimsókna til ömmu þegar ég fer á Nasa því engin stór breyting hefur átt sér stað á salnum síðan þetta var.

Blessuð sé minning ömmu Gull

Hérna er svo ein af síðustu myndunum af henni en með henni er Óli systursonur minn.

Gáta - Veistu hvað þetta er?

Tók þessa mynd á símann minn fyrir stuttu. En af hverju er hún?

Bölvuð vitleysa er þetta

Ég lýsi því hér með yfir að ég styð konur í baráttu sinni UM að fá að vera berbrjósta í sundi. Og ég geri það HEILSHUGAR.

Í raun er þetta heilbrigðismál ef vel er skoðað. Jú, ef konur mæta berbrjósta í sund, þá mæta fleiri karlmenn í sund. Sund er heilsusamlegt og því er þetta heilbrigðismál.

Heilbrigðisráðherra! Drífa sig nú.

Bannað að bera brjóstin í Hveró

Úr ýmsum áttum

Langt síðan ég hef sagt eitthvað af viti hér en ætla aðeins að fara yfir liðna daga og vikur.

Skellti mér á Sálartónleikana á föstudaginn og damn, djöf... voru þeir góðir strákarnir. Minnist þess reyndar ekki að hafa orðið vitni af því að þeir klikki en þetta var bara skelfilega gaman og ég sparaði röddina ekki eina sekúndu. Það er kannski bara bjánalegt, en mér fannst nú ekkert leiðinlegt beint að fara svo fljótlega eftir tónleikana í partý með hljómsveitinni  Maður er nú búinn að fylgja þessum gaurum í einmitt 20 ár. Sá þá fyrst á Melgerðismelum um verslunarmannahelgina 1988.

Verð líka að segja frá því að ein kona úr hópnum sem ég var með sá mann þarna álengdar sem hún kannaðist alveg svakalega við og varð mjög upprifin af því að hitta hann. Gekk að honum með bros á vör og hendurnar tilbúnar að taka utan um hann. Brosið á honum þurrkaðist þó alveg út þegar hún kallaði "Hey!!!! Geiri Sæm!!!". Flest okkar þekkja manninn undir nafninu Richard Scobie  

Nú svo er ég má segja búinn með eldhúsið :) Loksins !!! Ahhh,....að vísu á ég eftir að kaupa gólflista og setja á og hugsanlega geri ég það um Páskana. Svo er eitthvað smávægilegt eftir líka,...en í heildina BÚIÐ.

Annars voru krakkarnir hjá mér síðustu helgi og við höfum í margar vikur, ég og Óðinn, rætt það að klippa hárið. En hann hefur alltaf guggnað þegar hann hefur séð skærin. Í gær fylltist hann hins vegar miklu hugrekki og sagði þegar hann kom uppúr baðinu, "Pabbi, kippa árið". Hann var því settur í stólinn og ég byrjaði að klippa. Hann grét allan tímann, beygði sig og sveigði. Þetta tókst svona la la,..miðað við að þetta er í fyrsta skipti sem ég klippi hár. Og það er líka alveg óhætt að segja hann hafi verið hamingjusamur á eftir.

Eins og sjá má, þá fór ég ekki í Iðnskólann til að læra hárskurð

En annars er bara allt við það sama þannig séð. Er farinn að hlakka hrikalega til sumarins. Ekki síst vegna þess að það hefur verið svolítið vor í lofti undanfarið. En svo verður líka bekkjarmót í loki maí á Reyðarfirði og ég bara get varla beðið eftir því. það verður æðislegt að hitta alla gömlu bekkjarfélagana. Nú svo get ég auðvitað ekki beðið eftir að fá að komast á línuskautana því síðasta ár var extra stutt þar sem það rigndi frá 19. ágúst og má segja án afláts í 2 mánuði.

En já, gott í bili.  

Rausnarlegt

Tjahh, nú er bara að gefa þeim lögreglubíla líka svo þeir komist milli staða því eins og kunnugt er hafa verið lagðir "vegir" víðsvegar á vestfjörðum.

Nei svona í alvöru, eru fjarskiptatæki lögreglunnar eitthvað sem Dómsmálaráðherra á að þurfa að gefa lögregluumdæmi? Er þetta ekki bara hluti af gírnum sem þeir þurfa og eiga að vera með???

Maður spyr sig, og jafnvel hváir.

Ráðherra færði lögreglunni á Vestfjörðum tetrastöðvar

Gott mál en......

Af hverju erum við fyrst núna, árið 2008, að sjá dóm vegna nauðgunar sem hæfir eða fer nær því að hæfa glæpnum? Ég fagna því hins vegar að strikið hafi færst ofar nú.

Ég velti því alvarlega fyrir mér hvort það hafi eitthvað með að gera að þarna var pólverji að verki? Ekki að vilji ekki að honum sé refsað á sem versta máta en ég vona svo sannarlega að þetta sé skref í átt að því að nauðgarar fari að fá alvöru dóma fyrir glæpi sína. Það bara verður að senda þau skilaboð út í samfélagið að nauðgun er einhver alversti glæpur sem hægt er að fremja á annari manneskju, hvort sem fórnarlambið er barn, kona eða karlmaður.

Hlaut fjögurra ára fangelsi fyrir hrottafengna nauðgun

En ekki hvað.....

Þetta er nú bara sjálfsagður hlutur og löngu þekkt og virkar þar að auki svo gjörsamlega í báðar áttir. Ég hef alltaf verið viljugari til kynlífs með konum sem kunna að bora í veggi, þrífa og bóna bíla, ekki ein einasta spurning

Fleiri húsverk - meira kynlíf

Dear penis

Ertu ekki að djóka Leoncie........lol :)

1. mars 1989 - The B-Day

Magnað að hugsa aftur til þessa dags, þegar bjórinn var leyfður á Íslandi. Gleymi þessu seint, þvílík upplifun sem þetta var hahahah :)

Sko, ég bjó nú í foreldrahúsum á þessum tíma og man eftir því að pabbi hafði boðið til mikillar bjórveislu þennan dag. Hann keypti einn kassa af Löwenbrau, einn af Budweiser, einn af Beck's og tvo af að mig minnir Gullinu og svo var byrjað að þjóra úr sérstökum póstulíns bjórkrúsum sem mamma hafði málað fyrir alla karlkyns fjölskyldumeðlimi er aldur höfðu til að drekka ölið.

Rosalega fannst mér þetta merkilegur dagur og rosalega fannst mér ég stórmannlegur að sitja þarna, í heimahúsi, á Íslandi, með pabba, Palla mági mínum og nokkrum öðrum velvöldum að drekka bjór sem ekki var samsettur úr Pilsner og Vodka. Já, þetta var svona eins og að sitja á Strikinu í kóngsins Köben. Þannig leið mér. Þetta var svona fullorðins.

Ég er ekki mikill bjórmaður en ég ætla nú samt, svona í tilefni þess að 19 ár eru liðin frá þessum stóra degi að opna einn á laugardaginn meðan ég mála eldhúsið. Þá finnst mér að þessi maður eigi skilið að fá sér einn Thule. 

Nýr bjór kemur á markað um helgina

Meira af Nokia Morph, framtíðarmargmiðlunartækinu

Future shaping with Morph by Nokia

25 Feb, 2008 |

If you have accidentally felt that you may be riding the tech wave with your super latest high tech gadget, Nokia might just be able to prove you wrong. Nokia Research Center and the University of Cambridge (UK) have put a lot of effort into creating the Morph.

Nokia Morph open

The Morph is mobile handset indeed, but there's more to it. It's a nanotechnology-driven concept device, which is on display at the New York Museum of Modern Art for a taster of the time when today's super gadgets will be museum exhibits of prehistoric knowledge.

The Morph is a concept that shows what nanotechnology can bring to mobile devices: flexible materials, transparent electronics and self-cleaning surfaces. Stretchable and foldable, transformable to any shape a user can think of, Morph is the ultimate transformers gadget changing its shape according to the user's wishes. One day you have a bracelet, the next - you are up with a QWERTY device for messaging.

Nokia Morph

With Morph the door is just ajar and it will be years before some of the innovations it explores will start to appear in actual high-end handsets.

Nokia Morph - Framtíðin í farsímum