Steingrímur.........

Ekki get ég sagt að ég treysti Steingrími betur að takast á við þau mál sem þarf að takast á við. Bara alls ekki. Og mér finnst maðurinn kolvitlaus að leggja til kosningar núna. Það má sjálfsagt velta fyrir sér þörfinni eða réttlætingunni á kosningum fljótlega,....ekkert óeðlilegt við það, en að gera það akkurat núna og kosningar um áramót,...........halló, er maður gjörsamlega veruleikafyrtur?

Mér hefur lengi þótt Steingrímur öflugur og góður þingmaður, réttsýnn líka. En hann er alveg að þurrka þann stimpil af sér með þessu. Auk þess hefur hann ekki haft neitt annað fram að færa í þessu máli öllu, engar aðrar lausnir. Og alveg sama hvað gert er, hann situr yfirleitt bara hjá, vill ekki taka afstöðu. T.d. þegar neyðarlögin voru sett á, hann var hvorki með né á móti, tók ekki afstöðu. Ætti formaður stjórnmálaflokks af þessari stærðargráðu ekki að geta takið afstöðu í svona máli? Það finnst mér. En nei, hann þorði ekki að styðja og hann þorði ekki heldur að vera á móti. Hann semsagt gerði EKKERT.

Þó svo að auðvelt sé að gagnrýna núverandi stjórn fyrir ýmislegt sem betur hefði mátt fara þá verða menn nú að vera raunsæir í því að akkurat núna, þá þurfum við ekki á því að halda að fókusinn hjá þeim sem eru við stjórnvölinn fari í eitthvað annað en nákvæmlega björgunaraðgerðir þær sem nauðsynlegar eru.

Sýndu nú bara smá þolinmæði Steingrímur, þinn tími mun koma,.............hugsanlega.

Hefur almenning ekki með sér

Sammála Ögmundi

Rosaleg er ég sammála kallinum núna. Hvernig haldið þið annars að það væri að sofa yfir sig, vakna og komast að því að búið er að lækka launin manns. Það er eins og að fá blauta tusku framan í sig. Aumingja kallinn, mikið finn ég til með honum.

Ætli bæði launin hans sem þingmaður og launin frá BSRB hafi lækkað? Úff, það væri svakalegt. Vonandi er hann ekki með myntkörfulán.

Eins og blaut tuska

497 milljónir manna + 312.000

Ísland er of lítið til að standa utan við EU. Þannig er það bara. Samanlagður íbúafjöldi landa sem eru í EU er 497,5 milljónir. Íslendingar eru um það bil 0,06% af þessum fjölda.

Það er ekki ósvipað því að Stykkishólmur og Grundarfjörður væri með sinn eigin gjaldmiðil og stæðu að auki fyrir utan allt kerfið á Íslandi, væri sér á parti. Ætli það sé ekki betra fyrir Stykkishólm og Grundarfjörð að vera hluti af Íslensku þjóðinni, íslenska kerfinu? Að hólmarar og grundfirðingar geti treyst því að 100 kall þar er það sama og 100 kall í Borgarnesi og Reykjavík? Ætli það sé kannski ekkert vit í öðru fyrir Stykkishólm og Grundarfjörð?

Kannski er þetta einföldun, má vera. En er þetta eitthvað mikið frábrugðið samt, svona í grunninn? Jújú, það geta sjálfsagt einhverjir spekingar komið og sagt að þetta sé ekki sambærilegt. Og það er allt í lagi. Það sem ég er bara að segja er að Ísland er einfaldlega of lítið til að standa utan við EU og krónan okkar er ALLTOF lítil til að hægt sé að vinna með hana hérna eða annarsstaðar. Íslendingar ferðast gríðarlega mikið til Evrópu og í hvert skipti erum við því að greiða þóknun til fjármálastofnana til að fá gjaldeyri. Innflutningur er líka gríðarlega mikill frá löndum Evrunnar.

Hvaða rök, alvöru rök, eru það að vera ekki í EU? Fiskurinn? Common!!!!!

Meirihluti styður ESB-aðild

Bremsan virkjuð

Stundum finnst mér gott að horfa á hlutina öðrum augum, nota myndlíkingu. 

Menn og konur sem fylgjast með þróun nýrra bíla eða farartækja yfirhöfuð hafa í gegnum tíðina tekið eftir einni mikilvægri breytingu eða þróun á þeim sem skiptir sköpum, sér í lagi þegar um aukinn kraft og hraða er að ræða. Það eru bremsurnar. Í dag er ekki einvörðungu talað um hversu hratt t.d. Porsche 911 carrera Turbo er að ná 100 km hraða á klst heldur er einnig tekið fram hversu fljótur hann er að bremsa sig frá 100 og niður í núll. Það er mjög svo háþróaður bremsubúnaður í Porsche og eftir því sem gerðin er kraftmeiri, þeim mun betri bremsubúnað er að finna í bílnum.

Þetta veigamikla atriði er það sem stjórnvöld klikkuðu algjörlega á að þróa,...eða amk að virkja, í kjölfar stækkandi banka, kraftmeiri banka. Bremsurnar voru óvirkar með öllu, jafnvel þó þær væru að einhverju marki til staðar. Af þessari ástæðu eru það stjórnvöld sem bera mjög mikla ábyrgð á stöðu mála, Ríkisstjórnin nú og Ríkisstjórnin á undan. Sjálfstæðisflokkurinn, Framsóknarflokkurinn og Samfylkingin. Engin þeirra ber meiri eða minni ábyrgð en hinir því allir voru þessir flokkar í aðstöðu til að stíga á bremsuna, höfðu vald til þess, voru kosin til þess.

Í heimi bílamannsins þá ber auðvitað bílstjórinn alla ábyrgð á því að bremsa á réttum tíma og keyra ekki bílinn umfram það sem bremsurnar ráða við. Í þessari samlíkingu er ég að horfa á eigendur og stjórnendur bankanna sem bílstjóra en á Ríkisstjórnina sem hönnuð bílsins. Bílstjórinn á semsagt að hægja á sér ef hraðinn er orðinn of mikill í viðkomandi aðstæðum. Hönnuðurinn hins vegar má ekki setja bílinn á markað nema bremsurnar virki.

Ég held þess vegna að ég sé fyrir mitt leyti að komast að niðurstöðu um skoðun mína á því hver ber í raun og veru ábyrgð á stöðu mála. Það er Ríkisstjórnin. Ríkisstjórnin átti aldrei að setja þennan bíl svona bremsulausan á markað. En úr því að Ríkisstjórnin gerði það, þá áttu þeir að innkalla bílinn í febrúar á þessu ári og virkja bremsurnar þegar ljóst var að ef það ekki yrði gert, myndi það enda með stórslysi.

Nauðsynlegt að vera samstiga

Getur þú aðstoðað mig?

Ég er að hugsa um að kaupa fyrirtæki sem nú býðst á kostakjörum vegna þess að það er við það að fara á hausinn sökum slælegs reksturs undanfarin ár og mikið af röngum ákvarðanatökum líka sem hefa leitt fyrirtækið og starfsmenn þess í slæm mál.Þetta fyrirtæki veltir um 15 milljörðum króna á ári og þar sem ég er hvorki rekstarfræðingur né fjármálafræðingur, þá hef ég nú þegar auglýst eftir hæfu fólki til að stjórna þessu fyrirtæki mínu ef af kaupum verður. 

Og þá kemur að þeirri aðstoð sem ég leitast efti hjá þér lesandi góður. 

Tveir fjögurra manna hópar hafa sótt um þau störf sem í boði eru til að annast þennan rekstur:

Annar hópurinn samanstendur af 2 hagfræðiprófessorum, 1 prófessor í viðskiptum og einum viðskiptalögfræðing.

Hinn hópurinn samanstendur af Fornleifafræðing, Dýralækni, Lögfræðing og einum Hagfræðingi. 

Hvorn hópinn á ég að velja?

Ákvörðun tekin fljótt

Aftur tjáir Davíð sig

Núna er að koma í ljós að bæði Geir og Ingibjörg vissu af vandræðum bankanna fyrir löngu löngu síðan, eða um það leiti sem æðstu stjórnendur amk Kaupþings byrjuðu að stofna fyrirtæki utanum lánin sín. Vissu það semsagt á sama tíma og stjórnendur bankanna. Hvorki ráðamenn né stjórnendur bankanna hins vegar brugðust við þessu á viðeigandi hátt.

Ég spyr því. Er þessu fólki virkilega sætt í stólum sínum?

Allir,....almenningur, stjórnmálamenn, stjórnendur bankanna, eigendur bankanna og fjölmiðlar hafa verið að kasta ábyrgðinni hingað og þangað í margar vikur. En svo er það að verða öllum ljóst núna, og það með mjög svo ljósum hætti, að öll vissu þau um yfirvofandi hættu á hruni bankanna.

Ég spyr því. Er þessu fólki virkilega sætt í stólum sínum?  

Icesave var leyft að herja á nýja markaði eins og ekkert væri, krónan var leikin grátt hvað eftir annað og undarleg innherjaviðskipti áttu sér stað rétt áður en bankarnir hrundu. Og allan tímann vissu bankarnir og æðstu stjórnmálamenn af yfirvofandi falli.

Ég spyr því. Er þessu fólki virkilega sætt í stólum sínum?

Og svo kemur Fjármálaráðherra í viðtal á Stöð2 í gær og segist hafa jú, íhugað að segja af sér. Niðurstaða þeirrar íhugunnar hafi verið að hann hafi staðið sig svo vel í starfi, að þjóðin hafi verið skuldlaus, svo afsögn væri ekki það sem til stæði. Tjahh, hann stóð sig svo vel að nú er íslenska þjóðin einhver sú skuldugusta í hinum vestræna heimi. Afsögn? Nei segir Árni, ég stóð mig svo vel.

6 fundir með seðlabankastjórn

Afsögn

Hér er klárlega afsagnar þörf, bæði ráðherra og ráðuneytisstjóra.

Vissi ekki af hlut ráðuneytisstjóra í Landsbanka

Já, það er nefnilega það

Fyrsta málsgrein þessarar fréttar segir nú bara allt sem segja þarf og gerir fréttina í raun og veru að STÓRFRÉTT. Þetta ætti í raun að vera næg ástæða til að gera breytingu á háttsemi RUV á auglýsingamarkaði strax á mánudag.

Það sem mér þykir merkilegast í þessu er að akkurat núna, á þessum tímapunkti, skuli skýrsla Samkeppniseftirlitsins koma fram, daginn eftir að Skjárinn grípur til þeirra aðgerða að senda ekki út dagskrá. Skrítið !!

En gott mál að þetta sé komið fram.

Endilega kíkið á skoðanakönnunina hér til hliðar er lítur að áhorfi á Skjá Einn.

Þátttaka RÚV á auglýsingamarkaði verði endurskoðuð

Enn og aftur sveiflast maður

Staðan er bara sú að maður sveiflast fram og til baka í skoðunum sínum en mikið rosalega var Kastljósviðtalið við Björgólf gott viðtal. Hann kom myndi ég segja mjög vel frá þessu á alla vegu. Talaði mjög skýrt um hlutina, viðurkenndi sína ábyrgð og reyndi að útskýra. Ég segi reyndi, því Sigmar var að mér fannst aðeins of ýtinn á að koma því að að Björgólfur væri að koma ábyrgð yfir á aðra. Hann var hreint ekkert að því, hann ítrekað sagðist axla sína ábyrgð og viðurkenna en að það væru fleiri sem að málinu koma,....sem er auðvitað rétt.

Staðreyndin er nefnilega sú að ábyrgðin er víða og ég velti því oft fyrir mér hvort hún sé ekki hreinlega mest hjá stjórnmálamönnum og Seðlabankamönnum?

En gamli kom vel frá þessu og varla hægt að segja annað. Mér er lífsins ómögulegt að horfa á sem sökudólg í þessu öllu. Og það er alls ekkert bara útaf þessu viðtali. Sú skoðun mín er byggð á miklu fleiri þáttum sem eiga sér miklu lengri sögu en þessi mál sem við stöndum í núna.

Skuldir lenda ekki á þjóðinni

Horfir ÞÚ á Skjá einn ? Skoðanakönnun

Mér finnst alveg rosalega mikið mál að allt verði gert til að Skjárinn fái að lifa. Ok, kannski ekki allt, þetta er jú bara fyrirtæki sem þarf að reka. En þetta fyrirtæki snertir okkur mörg hver ansi mikið held ég, ansi margir nota sér þjónustu Skjás eins.

Það má svo auðvitað ekki alveg gleyma því að SKjár einn hefur staðið sig mjög svo vel í því að vera með innlennt efni á sinni dagskrá. Misgott að sjálfsögðu en það fer nú bara eftir smekk hvers og eins og ef manni ekki líkar, þá getur maður skipt um stöð. Vilt þú það, geta skipt um stöð? Hafa val?

Smá skoðanakönnun hérna til hliðar !

Farið svo á www.skjarinn.is og skráið ykkur ef þið viljið gera ykkar til að styrkja Skjáinn á auglýsingamarkaði sem er jú þeirra aðal, eða eina tekjulind og það eina sem tryggir reksturinn.

Stillimynd á SkjáEinum í kvöld